राज्यस्तरीय नवोपक्रम स्पर्धा सन २०२६-२७ चे आयोजन करणे बाबत...

राज्यस्तरीय नवोपक्रम स्पर्धा सन २०२६-२७ चे आयोजन करणे बाबत...

राज्यातील सर्व नवोपक्रमशील शिक्षक व अधिकारी हे विद्यार्थ्यांच्या गुणवत्तापूर्ण शिक्षणासाठी सतत प्रयत्न करत असतात. नवोपक्रमाच्या माध्यमातून आपल्या कल्पनांना व विचारांना मूर्त स्वरूप देण्याकरिता तसेच विद्यार्थी, शिक्षक, पालक यांच्या समस्या सोडविण्याच्या अनुषंगाने नवनवीन उपक्रम हाती घेत असतात. सर्वच स्तरातील शिक्षक व अधिकारी यांच्या या कल्पकतेला व सृजनशीलतेला प्रोत्साहन देण्यासाठी दरवर्षी प्रमाणे यावर्षी देखील परिषदेमार्फत राज्यस्तरीय नवोपक्रम स्पर्धा आयोजित करण्यात येत आहे. राज्यस्तरीय नवोपक्रम स्पर्धेसाठी राष्ट्रीय शिक्षण धोरण २०२०, बदलेला अभ्यासक्रम, पायाभूत साक्षरता व संख्याज्ञान (FLN), निपुण महाराष्ट्र, अध्ययन निष्पत्ती इत्यादी क्षेत्रातील विषयांवरील नवोपक्रम हाती घ्यावेत. या वर्षी राज्यस्तरीय नवोपक्रम स्पर्धा सन २०२६-२७ चे पुढील सात गटात आयोजन करण्यात येत आहे.

१. पूर्व प्राथमिक गट (अंगणवाडी कार्यकर्ती / सेविका व पर्यवेक्षिका)

२. प्राथमिक गट - पायाभूत स्तर (प्राथमिक शिक्षक इ.१ ली व २ री)

३. प्राथमिक गट - पूर्वतयारी स्तर (प्राथमिक शिक्षक आणि मुख्याध्यापक इ. ३ ते ५)

४. प्राथमिक गट - पूर्व माध्यमिक स्तर (प्राथमिक पदवीधर आणि मुख्याध्यापक इ.६ ते ८)

५. माध्यमिक गट - माध्यमिक, उच्च माध्यमिक शिक्षक व मुख्याध्यापक (इयत्ता ९ वी ते १२ वी)

६. विषय सहायक, विषय साधन व्यक्ती, समावेशित साधन व्यक्ती व शिक्षकेतर कर्मचारी

७. अध्यापकाचार्य व पर्यवेक्षकीय अधिकारी (केंद्रप्रमुख ते शिक्षणाधिकारी तसेच अधिव्याख्याता, वरिष्ठ अधिव्याख्याता व प्राचार्य)

प्रस्तुत राज्यस्तरीय नवोपक्रम स्पर्धा पहिल्या टप्प्यात उपरोक्त गट क्र. १ ते ५ साठी जिल्हा स्तरावर व गट क्र. ६ व ७ साठी प्रादेशिक विद्या प्राधिकरण (विभाग) स्तरावर घेण्यात येणार आहेत. या स्पर्धेत जास्तीत जास्त नवोपक्रमशील शिक्षक, शिक्षक प्रशिक्षक व अधिकाऱ्यांना सहभाग घेण्यासाठी प्रेरित करण्यात यावे. यासाठी प्राचार्य, जिल्हा शिक्षण व प्रशिक्षण संस्था व संबंधित जिल्ह्यातील शिक्षणाधिकारी (प्राथमिक व माध्यमिक) यांनी उपमुख्यकार्यकारी अधिकारी, महिला व बालविकास विभाग, नगरपालिका, जिल्हा परिषद यांचेशी सुयोग्य समन्वय साधावा.

SCERT-39.0/11/2026-RESEARCH

1/2049731/2026

:

आपल्या स्तरावरून स्पर्धेबाबत सोबत दिलेले माहितीपत्रक अवलोकन करून राज्यस्तरीय नवोपक्रम स्पर्धेविषयी अधिनस्त कार्यालयातील सर्व गटातील स्पर्धकांना अवगत करावे.

प्राचार्य, जिल्हा शिक्षण व प्रशिक्षण संस्था (सर्व) यांनी आपल्या कार्यालयातील एका सक्षम अधिकाऱ्याकडे नोडल अधिकारी म्हणून या स्पर्धेची जबाबदारी द्यावी. तसेच सदर नोडल अधिकाऱ्याचे नाव, संपर्क क्रमांक यासह नवोपक्रम स्पर्धेची माहिती पोहचविण्यासाठी केलेल्या कार्यवाहीचा अहवाल या कार्यालयास researchdept@maa.ac.in या ई-मेलवर कळविण्यात यावा. प्रस्तुत स्पर्धा ही सन २०२६-२७ या शैक्षणिक वर्षामध्ये मराठी माध्यमासह इतर सर्व माध्यमातील शिक्षक व अधिकारी यांचेसाठी आयोजित करण्यात येत आहे. इतर माध्यमातील स्पर्धकांनी आपला नवोपक्रम अहवाल मराठी किंवा इंग्रजी भाषेमध्ये सादर करण्याविषयी स्पर्धत अवगत करण्यात यावे.

त्यानुसार आपल्या अधिनस्त उपरोक्त नमूद सात गटात समाविष्ट अधिकारी, शिक्षक, अंगणवाडी सेवि पर्यवेक्षिका यांसह सर्व स्पर्धक नवोपक्रमशील घटकांना सोबतचे माहिती पत्रक निदर्शनास आणून द्यावे. संब स्पर्धकांनी माहिती पत्रकाचे अवलोकन करावे. आपले नवोपक्रम नोंदवण्यासाठी माहिती पत्रकात दिले. वेळापत्रकानुसार लिंक देण्यात येईल

अधिक माहितीसाठी खालील लिंक वर क्लिक करा..

https://drive.google.com/file/d/1-HYlP2WII88XyfcRyny6MmaP6ZMlIl-x/view?usp=drivesdk