*फेलोशिपसाठी नियमावली*
*फेलोशिपचा विषय – कृत्रिम बुद्धिमत्तेच्या सहाय्याने 'फ्लिप्ड क्लासरूम किंवा वर्ग पालट अध्यापन पद्धती'*
कृपया नियमावली पूर्णपणे वाचावी –
*अ) नोंदणी*
- फेलोशिपसाठी निश्चित केलेल्या विषयाव्यतिरिक्त इतर कोणत्याही विषयावरील नवोपक्रम स्वीकारले जाणार नाहीत.
- महाराष्ट्रातील कोणत्याही माध्यमाच्या मान्यताप्राप्त शाळांतील प्राथमिक आणि माध्यमिक शिक्षक अर्ज करू शकतील. मात्र, प्रस्ताव आणि अहवाल केवळ मराठी किंवा इंग्रजी भाषेतच सादर करता येतील.
- अर्ज करणाऱ्या शिक्षकांनी दीक्षा ॲपवरील 'AI साथी' हा चार तासांचा कोर्स पूर्ण केलेला असावा.
- अर्ज करताना जन्मतारखेचा पुरावा (जन्माचा दाखला, माध्यमिक शालांत प्रमाणपत्र (SSC) किंवा आधार कार्ड यांपैकी कोणतेही एक) जोडणे बंधनकारक आहे.
- नोंदणी करताना दिलेल्या WhatsApp लिंकवर क्लिक करून WhatsApp समूहात सहभागी व्हावे. पुढील सर्व सूचना WhatsApp समूहावरच दिल्या जातील.
- नोंदणी केलेल्या सर्व शिक्षकांसाठी एक ऑनलाइन परीक्षा आयोजित केली जाईल. त्यासाठीची लिंकही WhatsApp समूहावरच देण्यात येईल.
*ब) ऑनलाइन परीक्षा*
- ऑनलाइन परीक्षेत MCQ पद्धतीचे ३० प्रश्न असतील.
- MCQ पद्धतीचे प्रश्न सोडवून झाल्यानंतर साधारण १५० ते २५० शब्दांमध्ये "हा उपक्रम मला का घ्यावासा वाटतो?" या विषयावर उद्देशपत्र (Statement of Purpose – SOP) लिहावे लागेल. त्यासाठी स्वतंत्र वेळ देण्यात येईल.
*क) निवड*
- ऑनलाइन परीक्षा झाल्यानंतर गुणानुक्रमानुसार ३० प्राथमिक व १५ माध्यमिक अशा एकूण ४५ शिक्षकांची दोन दिवसांची कार्यशाळा आयोजित करण्यात येईल.
- या कार्यशाळेमध्ये सहभागी झालेले शिक्षक आपापल्या नवोपक्रमाचा प्रकल्प प्रस्ताव तयार करतील.
- निवड झालेल्या शिक्षकांनी नवोपक्रम राबवण्यासाठी शाळेच्या मुख्याध्यापकांचे परवानगीपत्र कार्यशाळेस उपस्थित राहताना सादर करणे आवश्यक आहे.
- त्यानंतर प्रकल्प प्रस्ताव आणि उद्देशपत्र (Statement of Purpose – SOP) यांच्या आधारे २० प्राथमिक व १० माध्यमिक अशा एकूण ३० शिक्षकांची अंतिम निवड करण्यात येईल.
- अंतिम निवड यशवंतराव चव्हाण सेंटरने नियुक्त केलेली निवड समिती करेल. निवड समितीचा निर्णय अंतिम व सर्व संबंधितांवर बंधनकारक राहील.
*ड) निवडीनंतर*
- निवड झालेल्या शिक्षकांनी आपला नवोपक्रम निर्धारित कालावधीत पूर्ण करणे अपेक्षित आहे. उपक्रम पूर्ण करण्यास विलंब झाल्यास संबंधित फेलोशिपबाबत अंतिम निर्णय घेण्याचा अधिकार यशवंतराव चव्हाण सेंटरला राहील.
- यशवंतराव चव्हाण सेंटरने वेळोवेळी आयोजित केलेल्या बैठका व प्रशिक्षण कार्यक्रमांच्या संपूर्ण कालावधीत उपस्थित राहणे बंधनकारक राहील. अपरिहार्य अडचण असल्यास पूर्वकल्पना देऊन सेंटरची परवानगी घेणे आवश्यक राहील.
- उपक्रम सुरू असताना यशवंतराव चव्हाण सेंटरचे प्रतिनिधी पूर्वकल्पना देऊन भेट देतील. त्यावेळी त्यांना आवश्यक ते सहकार्य करणे अपेक्षित आहे.
*इ) अर्ज करण्यासाठी संकेतस्थळ*
- इच्छुक शिक्षकांनी दिनांक १२ सप्टेंबर २०२६ पर्यंत https://apply.sharadpawarfellowship.com या संकेतस्थळावर ऑनलाइन अर्ज करावा.
*ई) फेलोशिपच्या अर्ज प्रक्रियेचे वेळापत्रक*
१) फेलोशिपसाठी अर्ज मागवण्याची घोषणा – १२ ऑगस्ट २०२६
२) ऑनलाइन अर्ज सादर करण्याचा कालावधी – १२ ऑगस्ट २०२६ ते १२ सप्टेंबर २०२६
३) नोंदणी केलेल्या शिक्षकांसाठी ऑनलाइन परीक्षा – ४ ऑक्टोबर २०२६
४) निवड झालेल्या ४५ शिक्षकांची कार्यशाळा – ३१ ऑक्टोबर व १ नोव्हेंबर २०२६
५) ३० शिक्षकांची अंतिम निवड जाहीर करणे – २६ नोव्हेंबर २०२६
६) फेलोशिप प्रदान सोहळा – रविवार, १३ डिसेंबर २०२६
फेलोशिपचा कालखंड-
*मे २०२७ ते मे २०२८*
कोणत्याही टिप्पण्या नाहीत:
टिप्पणी पोस्ट करा
Please write comment आपल्या बहुमूल्य प्रतिक्रिया बद्दल मनःपूर्वक आभारी आहोत..🙏🙏 www.great-indian com
आणि www.vijayjob.in