सी सी आर टी कार्यशाळा नामनिर्देशनाबाबत...

 सी सी आर टी कार्यशाळा नामनिर्देशनाबाबत...

उपरोक्त संदर्भीय विषयानुसार आपणास कळविण्यात येते की, CCRT (Centre for Cultural Resources and Training) मार्फत वर्षभर सेवांतर्गत शिक्षक व अध्यापकाचार्य (Teacher Educators) यांच्यासाठी दिल्ली, हैद्राबाद, उदयपुर, दामोह, नागपूर व गुवाहाटी येथील केंद्रांवर प्रशिक्षण/कार्यशाळा/ अभिमुखता (Orientation) कोर्सेस आयोजित केले जातात. या कार्यशाळांमध्ये सहभागी शिक्षकांना आपल्या समृद्ध कलात्मक व सांस्कृतिक वारशाची ओळख करून दिली जाते. शिक्षण प्रक्रियेत विविध कलात्मक व सांस्कृतिक अभिव्यक्तींचा समावेश कसा करावा याची संकल्पना सहभागी शिक्षकांना या कोर्समधून दिली जाते.

CCRT मार्फत जून ते ऑगस्ट २०२६ या कालावधीत सेवांतर्गत शिक्षकांसाठी प्रशिक्षण/कार्यशाळा/ अभिमुखता (Orientation) कोर्सेस करण्यात येणार आहेत. सोबत दिलेल्या लिंकमध्ये प्रशिक्षणाची माहिती देण्यात आलेली असून आपल्या कार्यक्षेत्रातील सर्व शिक्षकांच्या निदर्शनास आणून देण्यात यावे. नोंदणीची प्रक्रिया पूर्ण झाल्यानंतर शिक्षकांना प्रशिक्षणाबाबत स्वतंत्रपणे या कार्यालयामार्फत अवगत करण्यात येईल. प्रथम नोंदणी करणाऱ्यास प्रथम अशा क्रमाने तसेच सर्व जिल्ह्यांना प्राधान्य मिळेल अशा पद्धतीने शिक्षकांना नामनिर्देशित करण्यात येईल. सदरील लिंकवरच फेब्रुवारी २०२७ अखेरपर्यतचे कोर्सेस उपलब्ध होणार आहेत. दर दोन महिन्यांनी सदर लिंक अपडेट केली जाईल. सदरील लिंकवर नोंदणी करण्याबाबत आपल्या कार्यक्षेत्रातील शिक्षकांना अवगत करण्यात यावे, तसेच उपरोक्त लिंकचा जास्तीत जास्त प्रसार व प्रचार करण्यात यावा.

सोबत नावनोंदणी लिंक https://forms.gle/k9tvVdUjdqdL.Ap1f6