निवृत्त सनदी अधिकारी आणि महाराष्ट्र इन्स्टिट्यूट ऑफ ट्रॉन्सफॉर्मेशन (मित्रा) या संस्थेचे मुख्य कार्यकारी अधिकारी प्रवीण परदेशी यांची मुख्यमंत्री देवेंद्र फडणवीस यांची मुख्य आर्थिक सल्लागार म्हणून नियुक्ती करण्याचा महत्त्वपूर्ण निर्णय राज्य सरकारने घेतला आहे.
केंद्र सरकारच्या मुख्य आर्थिक सल्लागार पदाच्या धर्तीवर ही नियुक्ती करण्यात आली असून या पदाला राज्यमंत्री पदाचा दर्जा देण्यात आला आहे. शनिवारी रात्री शासकीय सुट्टीच्या दिवशी परदेशी यांच्या नियुक्तीचा शासनादेश जारी झाला. विशेष म्हणजे मुख्य आर्थिक सल्लागार म्हणून नियुक्तीनंतरही त्यांची मित्रा या संस्थेच्या
मुख्य कार्यकारी अधिकारीपदावरील नियुक्ती कायम ठेवण्यात आली आहे. मित्रा या संस्थेचा मुख्य कार्यकारी अधिकारी हा मुख्यमंत्र्यांचा मुख्य आर्थिक सल्लागार असेल, असे शासन निर्णयातच स्पष्ट करण्यात आले आहे.
कोणत्याही टिप्पण्‍या नाहीत:
टिप्पणी पोस्ट करा
Please write comment आपल्या बहुमूल्य प्रतिक्रिया बद्दल मनःपूर्वक आभारी आहोत..🙏🙏