*माणसं जोडणं म्हणजे काय ?*
*माणसं जोडणं म्हणजे*,
समोरच्याला "आहे" तसा स्वीकारणं.
आपल्या अपेक्षा, आपली मतं न लादणं...
*माणसं जोडणं म्हणजे*,
ऐकण्याची कला शिकणं.
फुकाचा वाद आणि टोकाची टीका टाळणं...
*माणसं जोडणं म्हणजे*,
माणसांवर "शिक्के" न मारणं.
समोरचा अधिक महत्त्वाचा -
हे स्वतः जाणणं आणि त्यालाही ते जाणवू देणं...
*माणसं जोडणं म्हणजे*,
कौतुकाची एकही संधी न सोडणं,
तक्रार मात्र जपून करणं...
*माणसं जोडणं म्हणजे*,
प्रतिक्रिया नव्हे, प्रतिसाद देणं.
रागाचंही रुपांतर प्रेमात करता येणं...
*माणसं जोडणं म्हणजे*,
इतरांना माफ करता करता
स्वतःच मन साफ करणं..
आणि सर्वांत महत्त्वाचं म्हणजे,
*माणसं जोडणं म्हणजे*,
इतरांमधला *विठ्ठल* पाहत पाहत
स्वतःमधल्या *विठ्ठलाला* प्रकट करणं..!!
